Xildhibaan Maxamed Amiin Xasan oo ka mid ah mudanayaasha baarlamaanka oo Maanta saxafiyiinta kula hadlay Muqdisho ayaa sheegay in madaxda ugu sareysa dowlada dadaal dheer ugu jiraan sidii loo sii deyn lahaa laba xildhibaan oo ku xiran gudaha dalka Ethiopia.

Xildhibaan Maxamed Amiin ayaa xusay in xildhibaanadaasi la sii deyn doono 24-ka saac ee soo socda marka ay maraan Maxkamad sida uu hadalka u dhigay.

Waxaa uu ku macneeyay xildhibaanka xariga mas'uuliyiintaasi in ay ku timid iska war qab la'aan ka dhex jirta baarlamaanka gudahiisa.

Sidoo kale xildhibaanka ayaa sheegay in mas'uuliyiinta xiran ay xarigooda ku wehliyaan saraakiil ka tirsan dowlada KMG ah.

Xildhibaanadaan ayaa mudo dhowr cisho ah ku jira gacanta dowlada Ethiopia isla markaana la qabtay xili ay ku sii jeedeen gobolka Hiiraan.