Gudoomiyaha Maamulka xisbul Islaam ee dhanka arimaha bulshada oo warbaahinta kula hadlay magaalada Baladweyne ayaa ugu baaqay Hay'adaha samafalka in gar gaar gaarsiiyaan dadka ku dhibaataysan qeybo ka mid ah Gobolkaasi.

Gudoomiyaha ayaa sheegay in hay'adaha laga doonayo in waxqabad muuqda la yimaadaan maadaama ay sheegaan in ay gar gaar siinayaan dadka ku dhibaataysan gudaha dalka Soomaaliya.

Isaga oo ugu baaqay Hay'adaha in hadii aysan si cadaalad ah u qaban karin howshaasi guud ahaan Gobolka Isaga baxaan.

Gobolka Hiiraan ayaa ka mid ah Gobolada ugu badan oo ay u barakaceen dadka ka soo carayay dagaalada ka socanaya Magaalada Muqdisho iyo kuwii dhawaan ka dhacay qeybo ka mid ah Gobolada Mudug iyo Gal-gaduud isla markaana la sheegay in xaalado aad u liidata halkaasi ku haysato.